وەزارەتی تەندروستیی هەرێمی کوردستان، ئەمڕۆ دووشەممە 14ی کانونی یەکەم ئاماری شەو و ڕۆژی ڕابردووی کۆرۆنای بڵاوکردەوە و ڕایگەیاند کە 201 کەس توشی کۆرۆنا بوون و نۆ کەسیش گیانیانلەدەستدا.
وەزارەتی تەندروستیی هەرێمی کوردستان ڕایگەیاند، “لە 24 کاتژمێری ڕابردوودا 201 کەس توشی کۆرۆنا بوون، لەو ژمارەیە 54 لە هەولێر، 34 لە سلێمانی، 103 لە دهۆک و دوو لە هەڵەبجە و هەشت کەس لە گەرمیان تووشی کۆرۆنا بوون”.
لە ڕاگەیەنراوەکەدا هاتووە، نۆ کەس گیانیانلەدەستداوە لەو ژمارەیە هەریەکە لە سلێمانی و هەولێر و ڕاپەڕین یەک کەس گیانیلەدەستداوە و لە دهۆک چوار کەس و لە گەرمیان و دوو کەس گیانیانلەدەستداوە.
تاوەکو ئێستا لە هەرێمی کوردستان 100 هەزار و 497 کەس توشی کۆرۆنا بوون، لەو ژمارەیەش 64 هەزار و 963 کەس چاکبوونەتەوە و سێ هەزار و 300 کەسیش گیانیانلەدەستداوە.
