تیمی پزیشکی یانەى پاریس سانجێرمان گەشبینە بەوەى نێیمار پێش یارییەکەى بایرن بتوانێت بگەڕێتەوە بۆ یارییکردن.
پاش دوو ڕۆژ پشکنینی ورد بۆ پێکانەکەى نێیمار، دەرکەوت تەنها وەرگەڕانی پاژنەى پێیەتی و ئازار لە قاچیدا دروستبووە.
تیمی پزیشکی پاریس پێیوایە هیچ شتێکی مەترسیدار نییەو ئەگەر زۆرە هەفتەى داهاتوو هەواڵی خۆش بدەنە گالیتێی ڕاهێنەر.
یارییەکەی بایرن و پاریس دوو هەفتەى تر لە ئالیانز ئارینا بەڕێوەدەچێت و پاریس پێویستی بە بردنەوەیە بەجیاوازی دوو گۆڵ بۆ ئەوەى بگاتە قۆناغی هەشتی چامپیۆنز لیگ.
