ئەمشەو سێشەممە، دوو یاریی چوونی قۆناغی (16)ی خولی یانە پاڵەوانەکانی ئەوروپا ئەنجامدران، یانەکانی ڕیاڵ مەدرید و ناپۆلی براوەبوون.
لە ڕووبەڕووبوونەوەیەکی بەهێزدا، یانەی لیڤەرپوڵ لە یاریگای “ئانفێڵد ڕۆدز” میوانداریی ڕیاڵ مەدریدی ئیسپانی کرد، یارییەکە بە ئەنجامی پێنج گۆڵ بەرامبەر بە دوو گۆڵ لە بەرژەوەندیی ئەستێرەکانی کارلۆ ئەنچیلۆتی کۆتایی هات.
گۆڵەکانی “ڕێدز” لە خولەکەکانی چوار و 14 لەلایەن داروین نونێز و محەممەد سەڵاحەوە تۆمارکران، گۆڵەکانی “لۆس بلانکۆس” لە خولەکەکانی 21، 36، 47، 56، 67 لەلایەن ڤینسیۆز جونیۆر (دوو گۆڵ)، ئیدێر میلیتاو، کەریم بنزیمە (دوو گۆڵ) تۆمارکران.
لە یارییەکی دیکەدا، یانەی ناپۆلی ئیتاڵی لە دەرەوەی یاریگای خۆی بووە میوانی ئینتراخت فرانکفۆرتی ئەڵمانی.
یارییەکە بە ئەنجامی دوو گۆڵی بێوەڵام لە بەرژەوەندیی شینپۆشەکانی ئیتاڵیا کۆتاییهات.
گۆڵەکان لە خولەکەکانی 40، 65 لەلایەن ڤیکتۆر ئۆسیمین و جیۆڤانی دی لۆرێنزۆ-وە تۆمارکران.
بەپێی ئەنجامه تۆمارکراوه‌کان، یانەکانی ڕیاڵ مەدرید و ناپۆلی توانیان باڵادەستی نیشانبدەن و هەنگاوێک لە قۆناغی چارەکی کۆتایی نزیکببنەوە.
