پێكدادان لەنێوان ئۆتۆمبێلێكی پیكاب و بارهەڵگرێكدا لە نزیك ناحیەی ژاراوە حەوت برینداری لێكەوتەوە.
رووداوەكە دەوروبەری كاتژمێر 09:30 خولەكی بەیانی ئەمڕۆ لەنێوان دوو ئۆتۆمبێلی جۆری نیسان/ پیكاب و بارهەڵگردا بووە.
عوسمان ئەحمەد، بەرپرسی كارگێڕی نەخۆشخانەی قەڵادزێ بە تۆڕی میدیایی ئێستای وت، حەوت بریندار گەیەندراونەتە نەخۆشخانەكەیان.
وتیشی، “چواریان برینەكانیان سووكە، بەڵام سەرجەمیان بۆ چاودێریی دۆخی تەندروستییان لە نەخۆشخانە هێڵدراونەتەوە”.
