یانە زەبەلاحەکانی ئینگلتەرا، لە چەندین لاوە هەوڵەکانیان بۆ واژۆکردنی گرێبەست لەگەڵ ڤیکتۆر ئۆسیمینی نایجیری دەستپێکردووە.
ڕۆژنامەی “مارکا”ی ئیسپانی ئاشکرایکردووە، یانەکانی مانچستەر یونایتد و چێڵسی سەرسامن بە تواناکانی ئۆسیمین و خواستیان لەسەر گواستنەوەی نیشانداوە.
بەهۆی خواستی یانە سەرمایەدارەکانەوە، نرخی هێرشبەرە ئەسمەرەکەی ناپۆلی لە 100 ملیۆن یورۆوە بۆ 115 ملیۆن زیادیکردووە، تەنانەت ئەو بەرزبوونەوەیەش ڕێگری لە بەردەوامبوونی دانوستاندنەکان نەگرتووە.
مارکا نووسیویەتی، چێڵسی کێشەی لە دابینکردنی تێچووی بۆندەکەدا نییە، بەڵام مانچستەر یونایتد ناچارە دوای فرۆشتنی چەندینێکی وەک هاری ماگوایەر، ئارۆن وان بیساکا، ڤان دی بێک، ئانتۆنی مارسیال، ڤیکتۆر لێندلوف، هەنگاوەکان بۆ ئۆسیمین دەستپێبکات.
ئۆسیمین لەم وەرزەدا بە درێسی یانەی ناپۆلی-یەوە (21) یاریکردووە، (17) گۆڵ و چوار ئەسیستی تۆمارکردووە، تاوەکو ئێستا گۆڵکاری خولی ئیتاڵیایە و یانەکەشی لە لووتکەی ڕیزبەندیی “کالچیۆ”ی گرتووە.
