حکومەتی هیندستان داوا دەکات هاوڵاتییانی واز لە نەریتە رۆژئاواییەکان بهێنن و بگەڕێنەوە سەر دابونەریتی باو و باپیرانیان و لە رۆژی ڤالانتایندا گا لە باوەش بگرن.
پێگەی گاردیانی بەریتانی بڵاویکردووەتەوە، “حکومەتی هیندستان رۆژی 14ی شوباتی وەک رۆژی لەباوەشگرتنی گا ناساندووە، کە ئەمە نەریتێکی کۆنی وڵاتەکەیە و لەو رۆژەدا پێویستە هاوڵاتییانی وڵاتەکە گا لەباوەش بگرن”.
حکومەتی هیندستان لەرێگەی ئەم هەنگاوەوە دەیەوێت هاوڵاتییانی لە یادکردنەوەی رۆژی ڤالانتاین دووربخاتەوە، چونکە بە وتەی خۆیان ئەوە نەریتێکی رۆژئاواییە و پێویستە هندییەکان لێی دووربکەونەوە.
