لە نەشتەرگەرییەکی چەند کاتژمێریدا کە لە یەکێک لە نەخۆشخانە تایبەتمەندەکانی عەرەبستانی سعودیی بەڕێوەچوو، دوو منداڵی دووانی بەیەکەوەنووساوی عێراقی جیاکرانەوە.
ئەمڕۆ پێنجشەممە بە بەشداری 27 پزیشکی راوێژکار و پسپۆڕی و کادیری پزیشکی لە نەخۆشخانەی مەلیک عەبدوڵای تایبەت بە منداڵان، نەشتەرگەری جیاکردنەوەی دوو منداڵی دووانەی بەیەکەوەنووساوی عێراقی بە ناوی عەلی و عومەر بەسەرکەوتوویی ئەنجامدرا.
د. عەبدوڵا رەبیعە، یەکێک لە پزیشکەکانی دوو منداڵەکە رایگەیاند، “نەشتەرگەری جیاکردنەوەی منداڵەکان پێویستی بە شەش قۆناغە، ئەمڕۆ قۆناغی چوارەممان بە سەرکەوتوویی کۆتایی پێهێنا و دەست بە قۆناغی پێنجەم دەکەین”.
ئاماژەی بەوەش کرد، “نەشتەرگەرییەکە بەشی زۆری سەرکەوتوو بووە، منداڵەکان لە پێستی سکیاندا پێویستیان بە چاندنەوەی پێست هەیە”.
عەلی و عومەر سەرەتای ساڵی رابردوو لە عێراق لەدایکبوون، لەسەر ئەرکی پادشای سعودییە برانە ئەو وڵاتە و پرۆسەی جیاکردنەوەیان دەستیپێکرد.
