وەزارەتی تەندروستی بەریتانیا ئاشکرایکرد، لەرێگەی بەکارهێنانی زیرەکی دەستکرد توانیویانە کاریگەرییە لاوەکییەکانی جەڵتەی مێشک لەو کەسانەی ئەو حاڵەتەیان بەسەردا هاتووە کەمبووەتەوە.
وەزارەتی تەندروستی بەریتانیا بڵاویکردەوە، “کاریگەرییە لاوەکییەکانی جەڵتەی مێشک لەو کەسانەی تووشیی هاتوون، بۆ سێ هێندە کەمبووەتەوە، ئەمەش بەهۆی زیرەکی دەستکردەوە”.
ئاشکراشیکرد، “لە ئێستادا پشت بە سیستمی Brainomix e-Stroke دەبەسترێت، کە لە رێگەوە ماوەی دەستنیشانکردنی جەڵتەی مێشک بۆ کاتژمێرێک کەمکردووەتەوە، ئەمەش رێگە دەدات چارەسەری گونجاو بە خێراترین ماوە دەستنیشانبکرێت”.
ئاشکراشیکردووە، “بەهۆی ئەم سیستەمەوە رێژەی ئەو کەسانەی کاریگەری لاوەکیان لە دوای جەڵتەی مێشکەوە لەسەر دەرنەکەوتووە لە %16 بۆ 48% بەرزبووەتەوە”.
ئەمە لە کاتێکدایە ساڵانە 85 هەزار کەس لە بەریتانیا تووشی جەڵتەی مێشک دەبن.
