ئەمشەو، دووشەممە لە شاری زیوریخی سویسرا تیروپشکی پاڵاوتنەکانی کیشوەری ئەوروپا بۆ مۆندیالی 2022ی قەتەر ئەنجامدرا.
نوێنەرەکانی فیدراسیۆنی تۆپی پێی جیهان و ئەوروپا و هەڵبژاردە بەشدارەکان ئامادەی مەراسیمەکە بوون.
کیشوەری ئەوروپا لە کۆی 55 هەڵبژاردە تەنها (13) کورسی مۆندیالی بۆ تەرخانکراوە، لە تیروپشکەکەدا هەڵبژاردەکان بەپێی ئاستیان لە ڕیزبەندی هەڵبژاردەکان دابەشکران بەسەر شەش ئاستی جیاوازدا و بۆ هەر ئاستێک لە یەکەم تاوەکو پێنجەم (10) هەڵبژاردە بوونیان هەبوو، ئاستی شەشەم پێنج هەڵبژاردەی لەخۆگرتبوو.
لێرەوە زانیاری تەواو لەبارەی تیروپشکەکەوە بخوێنەرەوە..
ئەنجامی تیروپشکی پاڵاوتنەکان بەم شێوەیە بوون:
کۆمەڵەی یەکەم: پۆرتوگال، سڕبیا، ئێرلەندا، لوکسمبۆرگ. ئازاربایجان
کۆمەڵەی دووەم: ئیسپانیا، سوید، یۆنان، جۆرجیا، کۆسۆڤۆ
کۆمەڵەی سێیەم: ئیتاڵیا، سویسرا، ئێرلەندای باکوور، بولگاریا، لیتوانیا
کۆمەڵەی چوارەم: فەرەنسا، ئۆکرانیا، فنلەندا، بۆسنە، کازاخستان
کۆمەڵەی پێنجەم: بەلجیکا، وێلز، چیک، بیلاڕووسیا، ئیستۆنیا
کۆمەڵەی شەشەم: دانیمارک، نەمسا، سکۆتلەندا، فارو ئایسلاند، مۆڵدۆڤا
کۆمەڵەی حەوتەم: هۆڵەندا، تورکیا، نەرویج، مۆنتینیگرۆ، لاتیڤیا، گیبڕاڵتار
کۆمەڵەی هەشتەم: کرواتیا، سلۆڤاکیا، ڕووسیا، سلۆڤینیا، قوبرس، ماڵتە
کۆمەڵەی نۆیەم: ئینگلتەرا، پۆڵەندا، هەنگاریا، ئەلبانیا، ئەندۆرا، سان مارینۆ
کۆمەڵەی دەیەم: ئەڵمانیا، ڕۆمانیا، ئایسلەندا، مەقدۆنیای باکوور، ئارمینیا، لیشتنشتاین
