لە هیندستان كەسێك گیانی لەدەستداوە و 227ی دیكەش ڕەوانەی نەخۆشخانە كراون بە نۆخشییەكی نادیار، لێكۆڵینەوە پزیشكییەكان بۆ ئەو مەبەستە دەستیان پێكردووە.
بەگوێرەی هەواڵێكی بی بی سی، لە ویلایەتی ئەندرا باردیش لە باشووری هیندستان بەهۆی نەخۆشییەكی نادیارەوە كەسێك گیانی لەدەستداوە و 227ی دیكەش بارودۆخی تەندروستییان ناجیگیرە و ڕەوانەی نەخۆشخانە كراون.
پزیشكەكان ئاماژەیان بەوەكردووە، نەخۆشەكان كۆمەڵێك نیشانەیان تێدایە، كە لە هۆشی خۆیان دەچن و دەڕشێنەوە.
لە ئێستاشدا بەرپرسانی تەندروستیی ئەو وڵاتە، لە لێكۆڵینەوەدان بۆ ئەوەی بۆیان ڕوون ببێتەوە هۆكاری ئەو نەخۆشییە چییە.
سەرهەڵدانی ئەو نەخۆشییە نوێیە هاوكاتی پەتای كۆرۆنایە كە كاریگەرییەكی گەورەی كردووەتە سەر ئەو وڵاتە، بەهۆی ئەوەی دووەم وڵاتە لە جیهاندا كە زۆرترین ڕێژەی توشبوونی تێدا بێت.
