پێنج هەزار كارگە لە بوارە جیاوازەكاندا بەگەڕدەخرێن و سەدان هەزار هەلی كار دەڕەخسێنن.
وەزارەتی پیشەسازی دەڵێت، كارگەكان مامناوەند و گەورەن و كاركردن لە دروستكردنیاندا بەردەوامە، لە ماوەی پێنج ساڵدا تەواودەكرێن و ئامادەی كاركردن و بەرهەمهێنان دەبن.
عەزیز نازم بەڕێوەبەری گشتیی گەشەپێدانی پیشەسازی لە وەزارەتی پیشەسازی رایگەیاند، “شمەك و كاڵای جۆراوجۆر لەو كارگانەدا دروستدەكرێن و بازاڕی ناوخۆ دەبووژێننەوە، بەوەش هاوردەكردنی زۆر كەرەستەمان پێویست نابێت”.
راشیگەیاند، لە سەرەتادا كارگەكان سەدان هەزار هەلی كار دەستەبەردەكەن و هاوكاردەبن لە كەمكردنەوەی رێژەی بێكاری، هۆكاریش دەبن بۆ مانەوەی پارە لە ناوخۆی وڵاتدا.
