بانکی ناوەندیی عێراق خستنەڕووی دۆلاری بۆ ئەمڕۆ بڵاوکردەوە و بە گوێرەی خشتەکە زیاتر لە 252 ملیۆن دۆلار بووە و بەهای 100 دۆلار لە بازاڕەکانی هەرێم هاوتای 146 هەزار و 900 دینارە.
لە خشتەکەی بانکی ناوەندیدا ئەوە خراوەتەوەڕوو، 13 ملیۆن و 310 هەزار دۆلاری بڕەکە بەشێوەی نەختینە بووە و 239 ملیۆن و 109 هەزار و 928 دۆلاری بەشێوەی حەواڵەی بازرگانی بووە.
ئەمڕۆ بەهای 100 دۆلاری ئەمریکی لە نێوان 146 هەزار و 750 دینار تاوەکو 950 دینار لە جوڵەی کورتخایەن و کامدا بووە و تا رادەیەک جێگیری لەو نرخەدا بەخۆیەوە بینیووە.
