لە كۆبوونەوەی ئەمڕۆی كۆمیتەی ناوەندیی پارتی، ئەندامانی مەكتەبی سیاسیی ئەو حزبە هەڵبژێردران.
ئەمڕۆ كۆمیتەی ناوەندیی نوێی پارتی دیموكراتی كوردستان یەكەم كۆبوونەوەی خۆی دوای ئەنجامدانی كۆنگرەی 14 ئەنجامدا.
بەپێی میدیاكانی نزیك لەو حزبە لە كۆبوونەوەكەدا، ئەندامانی مەكتەبی سیاسی هەڵبژێردراون و بریتین لە (فازڵ میرانی، فوئاد حوسێن، هۆشیار زێباری، ئازاد بەرواری، مەحمود محەمەد، رێبوار یەڵدا، کەمال کەرکوکی، زەعیم عەلی، سیداد بارزانی، ھێمن ھەورامی، پشتیوان سادق، ھیوا ئەحمەد مستەفا، سەربەست لەزگین، زاگرۆس فەتاح، نەوزاد هادی، ئامینە زیکری و عەلی حوسێن).
جیاواز لە شێوازی یاسایی و باوی هێزە سیاسییەكان، ئەندامانی مەكتەبی سیاسی بە بڕیاری سەرۆكی حزبەكە یەكلاكراونەتەوە.
هێمن هەورامی، یەكێك لە ئەندامەكانی مەكتەبی سیاسیی نوێ لە پەڕەی خۆی نووسیویەتی، لە کۆبوونەوەی ئەمرۆی کۆمیتەی ناوەندی، بە بریاری سەرۆک بارزانی بە ئەندامی مەکتەبی سیاسی ھەلبژێردران.
دەشڵێت، “پڕ بە دڵ سوپاسگوزاری سەرۆک و رابەر و مەرجەعمان سەرۆک بارزانیم بۆ ئەو متمانە گەورەیە و لە خوای گەورە داواکارم لەم ئەرکە گەورە و گرانەدا بۆ خزمەتی زیاتری پارتی و رێبازی بارزانی سەرکەوتوومان بکات”.
