شەوی رابردوو لە ناحیەی بەحرکەی سەر بە پارێزگای هەولێر کەسێک لە ماڵەکەی خۆیدا بە چەقۆ بریندارکرا و دوای گەیاندنی بە نەخۆشخانە گیانیلەدەستدا.
پەیامنێری میدیایی ئێستا گواستییەوە، “درەنگانی شەوی رابردوو لە ناحیەی بەحرکەی سەر بە پارێزگای هەولێر کۆمەڵێک چەکداری نەناسراو چوونەتە سەرماڵێک ژنەکەیان بەستووەتەوە و بە چەقۆ پیاوی ماڵەکەیان بریندارکردووە”.
ئاماژەی بەوەشکرد، “دوای گەیاندنی بریندارەکە بە نەخۆشخانە بەهۆی سەختی برینەکەیەوە گیانی لەدەستداوە”.
ئاشکراشیکرد، “تا ئێستا هیچ کەسێک بە تۆمەتی ئەنجامدانی ئەو تاوانە لەلایەن پۆلیسەوە دەستگیرنەکراوە”.
