هانزی فلیک، ڕاهێنەری هەڵبژاردەی ئەڵمانیا پێکهاتەکەی بۆ مۆندیالی 2022ی قەتەر ئاشکراکرد، جارێکی دیکە ماریۆ گۆتزەی بانگهێشتکردەوە و چەندین ئەستێرەی ناوداری دوورخستەوە.
هانزیک فلیک، ڕاهێنەری ئەڵمانیا ئەمڕۆ پێنجشەممە (10/11) پێکهاتەی مەکینەکانی ئەڵمانیای بۆ مۆندیالی قەتەر ئاشکراکرد.
لە پێکهاتەکەدا هەریەک لە ماتس هومێڵس و مارکۆ ڕۆیس، فلۆریان ڤێرتیز، ڕامی خزێرە، ڕۆبن گوسێنز بانگهێشت نەکراون، لە بەرامبەردا لاوانی وەک یوسوفا مکۆوکو، کەریم ئادیمی، جەمال موسیالا، نیکلاس فولکروگ بانگهێشتکراون.
DAS IST UNSER #WM-KADER! 🙌🇩🇪#GER #WM2022 @FIFAWorldCup pic.twitter.com/MBHXYGjQo5
— DFB-Team (@DFB_Team) November 10, 2022
سوپرازی لیستەکەش ئەوەبوو کە هەریەک لە ماریۆ گۆتزەی گۆڵکاری فاینەڵی 2014 و تۆماس مولەر بانگهێشتکراون، سەرەڕای ئەوەی گۆتزە لەم وەرزەدا بە درێسی ئینتراخت فرانکفۆرتەوە 22 یاری کردووە و تەنها دوو گۆڵی تۆمارکردووە.
