دیدیێ دیشامپ، ڕاهێنەری هەڵبژاردەی فەرەنسا پێکهاتەکەی بۆ مۆندیالی 2022ی قەتەری ئاشکراکرد و ڕووبەڕووی ڕەخنەی توند بووەتەوە.
سەرنجی زۆرینەی شارەزایان و ڕۆژنامەنووسانی فەرەنسا لەسەر هێڵی ناوەندی هەڵبژاردەی فەرەنسایە، کە پێکهاتووە لە : کاماڤینگا، چوامینی (ڕیاڵ مەدرید)، فۆفانا (مۆناکۆ) ڕابیۆ (یوڤانتۆس)، ڤێریتوت، جێندوزی (مارسیلیا).
لەو بارەیەوە جیروم ڕۆسن، یاریزانی پێشووی “کەڵەشێرەکان” و شرۆڤەکاری کەناڵەکانی ئەو وڵاتە ڕایگەیاندووە، “بەڕای من، ئەو پێکهاتەیەی هێڵی ناوەندی فەرەنسا لاوازترینە لە مێژووی وڵاتەکەماندا.”
شرۆڤەکارانی فەرەنسا پێیانوایە، پێکهاتەی “لێس بلوس” بەبێ نگۆلۆ کانتی و پۆل پۆگبا و بلەیز ماتویدی ناهاوسەنگە و بەتایبەت هێڵی ناوەند ئەزموونداری تێدا نییە، لە کاتێکدا بەرگری و هێرشبەرانیان زۆر بەهێزن.
