بەپێی ڕاگەیاندراوێکی فەرمی یانەی پاریس سان جێرمان، لیۆ مێسی ئەفسانەی زیندووی ئەرجەنتین دووچاری پێکان بووە و ناتوانێت لە ڕووبەرووبوونەوەی هەفتەی 14ی خولی فەرەنسا بەرامبەر لۆریان بەشداری بکات.
جۆری پێکانەکە چییە؟
“پوڵگا” تووشی هەوکردنی بەستەری (ئەخیل) بووە، ئەم جۆرە پێکانەش لەنێوان یاریزاناندا باوە و بەهۆی ماندووبوون و فشارەوە دروست دەبێت.
بڕیارە لەم هەفتەیەدا ئەفسانەکەی وڵاتی “تانگۆ” پشوو وەربگرێت و هەفتەی داهاتوو بەفەرمی بگەڕێتەوە بۆ یەکەی مەشق و ڕاهێنانەکانی پاریس.
هەموو ئەمانە لە کاتێکدایە کە مۆندیالی 2022 چەند ڕۆژێکی ماوە، یاریزانەکە داوای لە ئیدارەی پاریس کردووە لە دوایین یارییەکانی قۆناغی یەکەمی وەرزدا ڕووخسەتی پێبدەن پشوو وەربگرێت.
