هەڵبژاردەی کوڕان و کچانی ژاپۆن ناسناوی پاڵەوانی جیهانیان بۆ یاریی کاراتێ بەدەستهێنا، هەڵبژاردەی میسڕیش پلەی دووەمی مسۆگەرکرد.
لە دوبەی – ئیمارات بەئامادەبوونی هەزار جەنگاوەری شارەزای بواری کاراتێ، پاڵەوانێتیی جیهانیی ژمارە 25ی کاراتێ لەسەر ئاستی جیهان ئەنجامدرا، دەستپێکی کێبڕکێکان لە 16ی تشرینی دووەم بوو و تاوەکو 21ی هەمان مانگی خایاند.
یاریزانانی ژاپۆن بۆ هەردوو ئاستی کوڕان و کچان توانییان لە کۆتا ڕۆژی پاڵەوانێتییەکەدا لوتکەی ڕیزبەندیی هەڵبژاردە جیهانییەکان مسۆگەربکەن، ژاپۆنییەکان حەوت میدالیای ڕەنگاوڕەنگیان بەدەستهێنا، کە چواریان ئاڵتونی بوون لەگەڵ زیوینییەک و برۆنزییەک.
لەبەرامبەردا هەڵبژاردەی میسڕ بە کۆکردنەوەی هەشت میدالیای ڕەنگاوڕەنگ پلەی دووەمی بەدەستهێنا، کە سیانیان ئاڵتونی و دوو زیوین و سێ برۆنزی بوون.
هەڵبژاردەی ئیسپانیا پلەی سێیەمی بەدەستهێنا بە کۆکردنەوەی پێنج میدالیا، پلەکانی چوارەم و پێنجەمیش بۆ هەڵبژاردەکانی ئیتاڵیا و فەرەنسا بوون.
