سەرۆكی زانكۆی سلێمانی ڕایدەگەیەنێت، بە هەوڵی بافڵ جەلال تاڵەبانی سەرۆكی یەكێتیی نیشتمانیی كوردستان زۆرینەی كێشەی بەشە ناوخۆییەكان چارەسەركراون و بەپێی بەدواداچوونەكانمان بۆ ئەمساڵی خوێندنیش دەرماڵەی خوێندكاران دەدرێت.
د. كۆسار محەمەد سەرۆكی زانكۆی سلێمانی لە لێدوانێكدا بە تۆڕی میدیایی ئێستای ڕاگەیاند، بە هەوڵ و دەستپێشخەریی بافڵ جەلال تاڵەبانی سەرۆكی یەكێتیی نیشتمانیی كوردستان زۆرینەی كێشەی بەشە ناوخۆییەكانمان چارەسەركراون و كێشەی سەرەكیمان نییە تەنها چەند كێشەیەكی لاوەكی هەن كە ڕۆژانە دەتوانین چارەسەریان بكەین.
ئاماژەی بۆ ئەوەش كرد، بەپێی بەدواداچوونەكانمان لەگەڵ وەزیری خوێندنی باڵا و توێژینەوەی زانستی نووسراومان كردووە بۆ وەزارەت و ئەوانیش بە هەمان شێوە نووسراویان بۆ ئەنجومەنی وەزیران كردووە كە بۆ ساڵی نوێی خوێندنیش دەرماڵەی خوێندكارانی زانكۆ خەرجدەكرێت.
