كەشناسیی هەرێم ئاستی بینین لە ناوچە جیاجیاكان بەهۆی خۆڵبارینەوە ئاشكرادەكات و دەڵێت، تا سبەی بەردەوام دەبێت.
بەڕێوەبەرایەتیی گشتیی كەشناسی و بومەلەرزەزانیی هەرێم رایگەیاند، بەهۆی بوونى خۆڵبارین لە زۆربەى ناوچەکانى هەرێم بە تایبەت لە ناوچەکانى باشوورى هەرێم، ئێستا مەودای بینینى ئاسۆیی لە ناوچەكان بەمجۆرەیە:
هەولێر 9 کم
سلێمانى 7 کم
دهۆک 9 کم
زاخۆ 8 کم
دووز 6 کم
کەرکوک 3 کم (کەمترین مەودای بینینە)
دەشڵێت، پێشبینى دەکرێت ئەم خۆڵبارینە تا سبەى بەیانی بەردەوام بێت.
سەبارەت بە بارانبارینی 12 كاتژمێری رابردووش دەڵێت، لە سلێمانى 1.8 ملیم، ماوەت 0.8 ملیم و قەڵادزێ 0.6 ملیم باران باریووە.
