وتەبێژی بەڕێوەبەرایەتیی گشتیی كارەبای سلێمانی ڕایدەگەیەنێت، ئەمڕۆ لە دوو فیدەری سلێمانی سیستمی كارەبا كراوەتە پریپەید و جەختیشدەكاتەوە دەبێت پێشوەختە كارت بۆ كارەبا بكڕدرێت و نرخی كارتی كارەباكەش لە 10 هەزار دینار تاوەكو 100 هەزار دینارە.
سیروان محەمەد، وتەبێژی بەڕێوەبەرایەتیی گشتی كارەبای سلێمانی لە لێدوانێكدا بە تۆڕی میدیایی ئێستای ڕاگەیاند، كاتێك كارەبا دەكرێتە سیستمی پریپەید نرخی كارەبا لەسەر هاوڵاتییان گرانناكرێت و بە هەمان نرخی پێشترە، بەڵام دەبێت سەرەتا كارتی كارەبا بكڕدرێت كە بەشداربووان سەرپشكن و دەتوانن كارتی 10 هەزار دیناری تا 100 هەزار دیناری بكڕن.
ئاماژەی بۆ ئەوەش هاوبەشەكانی كارەبا كارتیان پێدەدرێت بۆ بەكارهێنانی بەپێی كارتەكە و تەنها جیاوازییەكەی ئەوەیە دەبێت بەشداربووان پێشتر پارەكە بدەن و نرخی كارەباش لەسەر بەشداربووان گراننەكراوە.
