ئیدارەی یانەی چێڵسی ئینگلیزی هەوڵەکانی بۆ گواستنەوەی جود بێلینگهامی ئەستێرەی لاوی ئینگلتەرا و یانەی بوروسیا دۆرتمۆند چڕکردووەتەوە.
بەپێی زانیارییەکانی ڕۆژنامەی “بێلد سپۆرت”، بەڕێوەبەرانی “بلوزی لەندەن” چاودێری چڕی بێلینگهام دەکەن، ئامادەشن لە مێرکاتۆی هاوینی 2023 دەرگای خەزێنەی یانەی بۆ بکەنەوە و زیاتر لە 100 ملیۆن یۆرۆ پێشکەشی بوروسیا دۆرتمۆند بکەن.
چێڵسی درکی بە هەوڵەکانی ڕیاڵ مەدرید و بەرشەلۆنە و مانچستەر یونایتد و مانچستەر سیتی کردووە، لە هاوکێشەکەدا ماونەتەوە و بە هەمانشێوە ئارەزووی یاریزانەکە دەکەن.
لە بەرامبەردا، یانەی بوروسیا دۆرتمۆند لەوە تێدەگات کە لە کۆتایی ئەم وەرزەدا ناتوانێت پارێزگاری لە بێلینگهام بکات، بۆیە بڕیاریانداوە گوێبیستی یانە داواکارەکان ببن و وەک سەرەتایەکیش داوای 120 ملیۆن یورۆیان کردووە.
