بەیانیی ئەمڕۆ لە گەڕەکی بەختیاری شاری سلێمانی بەدەستڕێژی گوللە کوژرا.
سەرکەوت ئەحمەد، بەڕێوەبەری ڕاگەیاندن و پەیوەندییەکانی پۆلیسی سلێمانی بە تۆڕی میدیایی ئێستای ڕاگەیاند، “بەیانی ئەمڕۆ لەسەر شەقامی بەختیاری لە نزیک پەیمانگەی تەکنیکی سلێمانی ژنێک دەستڕێژی گوللەی لێکراوە و دەستبەجێ گیانی لەدەستداوە”.
ئاشکراشیکرد، “لەکاتی ڕووداوەکەدا ژنەکە بە پیادە بە شەقامەکەدا ڕۆیشتووە، کەسێک دەستڕێژی گوللەی لێکردووە و دەستبەجێ هەڵاتووە”.
ئاماژەی بەوەشکرد، “تەرمی ژنەکە ڕەوانەی پزیشکی دادی سلێمانی کراوە، پەڕاوی لێکۆڵینەوە بۆ ڕووداوەکە کراوەتەوە و لێکۆڵینەوەکان دەستیانپێکردووە”.
