بەڕێوەبەرایەتیی بەرگری شارستانی بەغداد دۆزینەوەی تەرمی دایک و منداڵێکی لەژێر داروپەردووی بینا ڕووخاوەکەی ناوچەی کەڕادە ڕاگەیاند.
بەڕێوەبەرایەتیی بەرگری شارستانی بەغداد لە ڕاگەیەندراوێکدا بڵاویکردەوە، “بەیانیی ئەمڕۆ تەرمی دایک و منداڵێک لەناو داروپەردووی بینا ڕووخاوەکەی ناوچەی کەڕادە دەرهێندراونەتەوە”.
ئاشکراشیکرد، “تائێستا پرۆسەی گەڕان بەدوای ئەو کەسانەی لەکاتی ڕووداوەکەدا لەناو بیناکەدا بوون بەردەوامە”.
بەیانی ڕۆژی شەممە، بینای تاقیگەی نیشتیمانیی لە ناوچەی کەڕادەی بەغدا داڕووخا، کە لەکاتی ڕووداوەکەدا 18 کەس لەناو بیناکەدابوون.
تائێستا توانراوە 13 کەس لەژێر داروپەردووی ڕووخاوی بیناکەدا ڕزگارکراون، پرۆسەی گەڕانیش بەدوای ئەوانی دیکەدا تائێستا بەردەوامە.
