وەزارەتی تەندروستی هەرێم ڕایدەگەیەنێت، پاش ئەنجامدانی زیاتر لە چوار هەزار پشكنین 248 توشبووی نوێی كۆرۆنا تۆماركراوە و گیان لەدەستدانیش بەهۆی ڤایرۆسەكەوە كەمیكردووە.
وەزارەتی تەندروستی هەرێم ئەمڕۆ پێنجشەممە 3ی كانونی یەكەم ئاماری 24 كاتژمێری ڕابردووی تایبەت بە ڤایرۆسی كۆرۆنای بڵاوكردەوە و دەڵێت، لەو ماوەیەدا چوار هەزار و 356 پشكنین ئەنجامدراوە و لەو ژمارە 248 توشبووی نوێ تۆماركراوە.
توشبووان بەپێی شارەكان بەمجۆرەیە، (هەولێر 97، سلێمانی 69، دهۆك 65، گەرمیان 13 و هەڵەبجە 4) هیچ توشبوویەكیش لە ڕاپەڕین تۆمارنەكراوە.
هاوكات 177 توشبووی پێشووی نەخۆشییەكە چاكبوونەتەوە.
بەپێی ڕاگەیەنراوەكە لەو ماوەیەدا 9 توشبوو گیانیان لەدەستداوە كە زۆرترینیان لە هەولێر بووە بە چوار حاڵەت.
كۆی گشتی توشبووان بە كۆرۆنا لە هەرێم گەیشتە 97 هەزار و 584 كەس، لەو ژمارەیە 61 هەزار و 203 كەسیان چاكبوونەتەوە و سێ هەزار و 195یشیان گیانیان لەدەستداوە.
