بەڕێوەبەری گشتیی كەشناسی و بومەلەرزەزانیی سلێمانی ڕایدەگەیەنێت، بەپێی پێشبینییەكان سبەی شەو ئەگەری بارانبارین بە شێوەی جیاواز لە چەند ناوچەیەكدا هەن و پلەكانی گەرماش دادەبەزن.
ئاسۆ كەمال بەڕێوەبەری گشتیی كەشناسی و بومەلەرزەزانیی سلێمانی لە لێدوانێكدا بە تۆڕی میدیایی ئێستای ڕاگەیاند، سبەینێ چوارشەممە لە كاتەكانی دوانیوەڕۆوە ڕەوشی كەشوهەوا ناجێگیردەبێت ئەوەش لە دەرئەنجامی نزمە پاڵە پەستۆیەك كە ڕوو لە ناوچەكە دەكات خێرایی با چالاك دەبێت و ئاسمان لە نێوان هەور و نیمچەهەوردا دەبێت و دەرئەنجامی ئەو بارستە هەوایەی ڕوو لە ناوچەكە دەكات سبەی شەو ئەگەری بارانبارین بە شێوەی جیاواز لە چەند ناوچەیەكدا هەن.
ئاماژەی بۆ ئەوەش كرد، كاریگەری ئەو نزمە پاڵە پەستۆیە پلەكانی گەرما دادەبەزن و خۆڵبارین ڕوو لە ناوچەكە دەكات و تاوەكو بەیانی ڕۆژی پێنجشەممە كاریگەری دەبێت.
