ڕەجەب تەیب ئەردۆغان سەرۆک کۆماری تورکیا لە کۆبوونەوەی نەتەوە یەکگرتووەکان پەیامێکی ئاراستەی ئەمریکا کرد و داوایکرد، ھەرچی زووە دەستبەرداری پڕچەککردن و پشتیوانیکردنی هێزەکانی ڕۆژئاوای کوردستان ببن.
لە وتارەکەیدا ئەردۆغان وتی، بە توندی جەختدەکەنەوە کە توانای گرتنەبەری هەموو ڕێکارێکیان هەیە دژی هێزەکانی ڕۆژئاوای کوردستان و پەکەکە، ڕاشیگەیاند، “لەوبارەیەوە سڵ ناکەینەوە”.
سەرۆک کۆماری تورکیا ڕایگەیاند، تورکیا ناتوانێت بەرامبەر پەکەکە و هاوشێوەکانی بێدەنگ ببێت، کە هێرش دەکەنەسەر وڵاتەکەیان.
وتی، ئەوانەی دەیانەوێت لە ڕێگەی ناو گۆڕینەوە ڕەوایەتی دەدەن بە پەکەکە، با هەرچی زووە دەستبەرداری پڕچەککردنیان ببن.
ڕاشیگەیاند، “ئامادەین بۆ کارکردن لەگەڵ ھەرکەسێک لەپێناو خۆشگوزەرانیی ناوچەکە ھاریکاریی وڵاتەکەمان بکات”.
