بەڕێوەبەرایەتیی گشتیی وەبەرهێنانی گەرمیان، هاوڵاتییانی سنوورەكە لەبارەی مامەڵەی كڕین و فرۆشتنی خانوبەرەوە ئاگاداردەكاتەوە.
لە راگەیەندراوێكدا بەڕێوەبەرایەتیی گشتیی وەبەرهێنانی گەرمیان دەڵێت، “سەرجەم هاوڵاتییان و سوودمەندبووان و کۆمپانیا و نووسینگەکانی کڕین و فرۆشتنی خانوبەرە ئاگاداردەكەینەوە، کە بەڕێوەبەرایەتیمان بە هیچ شێوەیەک لەگەڵ ئەو شێوازە کڕین و فرۆشتنەدا نییە کە لە بازاڕی ئازاددا راستەوخۆ لە نێوان هاوڵاتی و کۆمپانیاکان و نووسینگەکاندا ئەنجام دەدرێت”.
ئاماژەی بۆ ئەوەش كردووە كە لەم پرۆسەیەدا بەڕێوەبەرایەتییەكە هیچ بەرپرسیارێتییەك هەڵناگرێت لە بەرامبەر پێدانی پارە بە هیچ نووسینگەیەکی کڕین و فرۆشتنی خانوبەرە لەپای کڕینی خانوو لەلایەن خوودی هاوڵاتییەوە و دەڵێت، لە كاتی بوونی هەر جۆرە حاڵەتێکی لەم شێوەیە و بوونی سکاڵای هاوڵاتییان، ئەوا رێکاری یاسایی دەگرینەبەر.
