هاندەرانی یانەی ئەتلەتیکۆ مەدرید بەر لە دەستپێکی “دێربیی مەدرید” و لە ساتی بەڕێوەچوونی یارییەکەدا پێشێلکار و ڕەگەزپەرست بوون، ئەگەرێکی بەهێز هەیە بەو هۆیەوە سزا بدرێن.
بەپێی زانیاریی میدیاکانی ئیسپانیا، هاندەرانی “ڕۆخی بلانکۆس” بەر لە دەستپێکی دێربیی مەدرید بە کۆمەڵ سوکایەتییان بە ڤینیسیۆز جونیۆری ئەستێرەی ئەسمەری یانەی ڕیاڵ مەدریدەوە کردووە، بە یەک دەنگ هاواریان کردووە “ڤینیسیۆز مەیموونە”، ئەوەش درێژکراوەی ڕەگەزپەرستیی پیدرۆ براڤۆی سەرۆکی کۆمەڵەی بریکارەکانی ئیسپانیایە، کە پێشتر یاریزانەکەی بە (مەیموون) چواندووە.
🗣️CÁNTICOS RACISTAS CONTRA VINICIUS de cientos de aficionados del @Atleti a las puertas del Metropolitano:
📢"Eres un mono, Vinicius eres un mono".
⛔️FUERA LOS VIOLENTOS Y RACISTAS DEL FÚTBOL
📹Video @chema_medina #AtletiRealMadrid pic.twitter.com/KoHSNrtd3G
— Tiempo de Juego (@tjcope) September 18, 2022
هەروەها هاندەرێک بوکەڵەی مەیموونی بە درێسی سپی ڕیاڵەوە نمایشکردووە، کە بەهەمان شێوە ڕەگەزپەرستی و سوکایەتیکردن بووە بە یاریزانەکەی سێلیساو.
سەرچاوەکان پێیانوایە، ئەم پێشێلکارییەی هاندەرانی ئەتلەتی بەبێ سزا تێپەڕ ناکات، ڕەنگە لە یارییەک یاخود دووان دووربخرێنەوە، ئەگەرێکی دیکەش ئەوەیە سزای دارایی یانەکە بەگشتی بدرێت.
