ناگیلسمانی ڕاهێنەری بایرن میونشن پێیوایە بەرشلۆنەی ڕكابەریان ئاستیان زۆر بەرز بۆتەوەو تیپەكەشیان یاریزانی نوێی زۆر بۆ هاتووە.
هیواشی خواست لیڤاندۆڤسكی لە یانە نوێیەكەی سەركەوتوو بێت و بەرەو پیشچون بەخۆیەوە ببینێت.
جەختیشی كردەوە كە بەرشلۆنە تەنها بریتی نییە لە لیڤا و كۆمەڵێك یاریزانی باشی هەیە.
بەشێك لە قسەكانی ناگیلسمان
/ ئێمە بەرشلۆنە دەناسین و دەزانین یاریزانی نوێی كڕیوە، تیپەكە ڕوحییەتێكی نوێی هەیە، ئەتوانین یاریی كۆتایی لە بیرەوەریی خۆمان بسڕینەوە.
/ بەرشلۆنە بەرەو پێشچونی تەواوی بەخۆوە بینیوە، سەردەمێكی نوێی دەستپێكردووە
/ بەرشلۆنەی نوێ شەڕانین و بە باشی بەرگریی دەكەن، یاریزانەكانی ناوەڕاستیشی باشە
/ هیوادارم لیڤاندۆڤسكی چەند ساڵێكی باش بەڕێبكات لەوێ، بەردەوام لای ئێمە 40 گۆڵی تۆماردەكرد
/ كیمیچ و سابیستر لە ناوەراست یاریی دەكەن، سابیستیر بەرگرییەكی باشی كرد یاریی ڕابردوو بەرامبەر بەرشلۆنەش پێویستمان بەوەیە.
/ نازانم جارێ دیلیخت یاریی پێبكەم یان ئۆبایانكۆ
/ سادیۆ مانێ كێشەی لەمسەی كۆتایی هەیە، هەندێ حاڵەتی ئۆفسایدیشی بۆ دروستبووە، پێویستە متمانەی زیاتری بەخۆی بێت، هێشتا نەگەیشتۆتە لوتكەی ئاستی خۆی، لە ئێستادا من لە ئاستی ڕازیم.
/ لیڤا بەشێكی گرنگی یانەی بایرن بوو، دڵخۆش دەبم بە بیبینینەوەی
/ بەرشلۆنە تەنها لیڤاندۆڤسكی نییە ، یاریزانی مەترسیداری تری زۆر تیایە
/ تاقیكردنەوەیەكی قورسە بۆ ئێمە بەرامبەر یانەیەكی بەهێزی ئەوروپا
