ئه‌مڕۆ، چوارشه‌ممه یانه زه‌به‌لاحه‌کانی ئه‌وروپا له کێبڕکێکانی گه‌ڕی پێنجه‌می قۆناغی کۆمه‌ڵه‌کانی چامپیۆنزلیگ به‌رده‌وامده‌بن و چه‌ندین یاری به‌هێز ئه‌نجامده‌درێن.
له کۆمه‌ڵه‌ی پێنجه‌م، یانه‌ی ئیشبیلیه له سانچێز پێزخوان میوانداری یانه‌ی چێڵسی ئینگلیزی ده‌کات، هه‌روه‌ها یانه‌ی یوڤانتۆس له یاریگای خۆیدا و به ئاماده‌بوونی کریستیانۆ ڕۆناڵدۆ ڕوبه‌ڕوی داینه‌مۆ کیێڤی ئۆکوانی ده‌بێته‌وه.
یانه‌ی به‌رشلۆنه له هه‌نگاریا به‌رانبه‌ر فرێنسڤارۆشی یاریده‌کات و یارییه‌که له‌سه‌ر ئاستی ڕیزبه‌ندی هیچ کاریگه‌رییه‌ک دروستناکات، له‌کاتێکدا یانه که‌ته‌لۆنیه‌که پێشوه‌خت سه‌رکه‌وتنی بۆ قۆناغی 16 مسۆگه‌رکردووه، به‌هه‌مان شێوه یانه‌ی یوڤانتۆس که به یه‌که‌م و دووه‌می کۆمه‌ڵه‌ی حه‌وته‌م بلیتی قۆناغه یه‌کلاکه‌ره‌وه‌کانیان بڕیوه.
یه‌کێک له گرنگترین یارییه‌کان له‌نێوان یانه‌کانی بوروسیا دۆرتمۆندی ئه‌ڵمانی و لازیۆی ئیتاڵی له سیگناڵ ئیدونا پارک ئه‌نجامده‌درێت، هه‌ردوو جه‌مسه‌ره‌که هه‌وڵی به‌ده‌ستهێنانی پێشه‌نگی گروپی شه‌شه‌م ده‌ده‌ن، هه‌ردوو یانه‌که‌ش تا ڕاده‌یه‌ک سه‌رکه‌وتنیان مسۆگه‌ره.
له یاری لوتکه و به‌هێزتریندا، مانچسته‌ر یونایتد له یاریگای ئۆڵدترافۆرد میوانداری پاریس سانت جێرمانی فه‌ره‌نسی ده‌کات.
بردنه‌وه و یه‌کسانبوون له به‌رژه‌وه‌ندی شه‌یتانه سووره‌کانه، له‌به‌رانبه‌ردا پاریسیه‌کان ته‌نها به بردنه‌وه ده‌گه‌ڕێنه‌وه ناو هاوکێشه‌که، به‌وپێیه‌ی به شه‌ش خاڵه‌وه له پله‌ی دووه‌می گروپی کۆتاییدان و له ئه‌گه‌ری بردنه‌وه‌ی یانه‌ی لایپزیچ له ئیستانبوڵ باشاکشه‌هیر ئه‌گه‌ری سه‌رکه‌وتنیان زۆر لاوازده‌بێت.
چامپیۆنزلیگ (کۆمه‌ڵه‌کان – گه‌ڕی پێنجه‌م)
کراسنودار – ستاد ڕینس (8:55)
ئیستانبوڵ باشاکشه‌هیر – لایپزیچ (8:55)
ئیشبیلیه – چێڵسی (11:00)
یوڤانتۆس – داینه‌مۆ کیێڤ (11:00)
فرێنسڤارۆشی – به‌رشلۆنه (11:00)
بوروسیا دۆرتمۆند – لازیۆ (11:00)
کله‌پ بروج – زینیت سانت پترسبۆرگ (11:00)
مانچسته‌ر یونایتد – پاریس سانت جێرمان (11:00)
لیبه‌رتادۆریس (قۆناغی 16)
ناسیوناڵ – ئیندیپێندێنتی دیل ڤال (1:15 شه‌و)
پاڵمێراس – دێلفین (1:15 شه‌و)
ئینته‌رناسیوناڵ – بوکا جونیۆرز (٣:٣٠ به‌ره‌به‌یان)
کله‌پ خۆرخی ویلیسترمان – لیبه‌رتاد (٣:٣٠ به‌ره‌به‌یان)
