ڕاگەیاندنی ئەنجومەنی وەزیران، ئاشکرایکرد کە پێشنیوەڕۆی ئەمڕۆ چوارشەممە 2ی کانونی یەکەم ئەنجومەنی وەزیران کۆدەبێتەوە و یەکێک لە تەوەرەکانیش پرسی موچە و بودجەی 2021 دەبێت.
لە ڕاگەیەنراوێکدا ئەنجومەنی وەزیرانی هەرێمی کوردستان ڕایگەیاند، “کۆبوونەوەکە بە سەرۆکایەتیی مەسرور بارزانی، سەرۆکی حکومەت و ئامادەبوونی قوباد تاڵەبانی جێگری سەرۆکی حکومەت دەبێت”.
بەپێی ڕاگەیەنراوەکە ئەنجومەنی وەزیران لەسەر چەند پرسێک کۆدەبێتەوە کە بریتیین لە:
- پرسی مووچە و پرۆژە یاسای بوودجەی ساڵی 2021 فیدراڵی عێراق.
- پرۆژەی دیراسەكردن و رێكخستننەوەی رسومات كە لە بەرانبەر پێشكەشكردنی خزمەتگوزاری وەردەگیرێت.
- دامەزراندن و تۆماركردنی كۆمپانیای نوێ لە بوارەكانی تەندروستی و دەرمان و پێداویستیی پزیشكی.
- پرۆژەی تایبەت بە (دەرماڵە لەبڕی پەككەوتەیی) لە چوارچێوەی یاسای چاكسازی لە مووچە و دەرماڵە و بەخشین و ئیمتیازەكام و خانەنشینی لە هەرێمی كوردستان – عێراق.
