شەش لە كۆی 10 كارگەی بەریتانیا دادەخرێن بەهۆی زیادبوونی نرخی كارەبا، وەك ئەوەی ئاژانسی بلۆمبێرگ بڵاویكردووەتەوە.
ئاژانسەكە ئەنجامی ئەو بەدواداچوونەی بڵاوكردووەتەوە كە كۆمەڵەی خاوەن كارگەكانی بەریتانیا (Make UK) بڵاویكردووەتەوە و دەڵێت، بەرزبوونەوەی خێرای نرخی كارەبا ڕەنگە ببێتەخۆی داخستنی شەش لە كۆی 10 كارگەی وڵاتەكەدا.
بەدواداچوونەكە ئاماژەی بەوەشكردووە، نزیكەی نیوەی كارگەكانی بەریتانیا ڕووبەڕووی زیادبوونی نرخی كارەبا بووەتە بەڕێژەی 100%.
ڕێكخەری وزەی بەریتانی (Ofgem) لەكاتێكی پێشتردا بەرزبوونەوەی نرخی كارەبای بۆ بەكاربەران بە بڕی 80% بەرزكردەوە لە سەرەتای 1ی تشرینی یەكەمی داهاتووەوە، بەهۆی بەرزبوونەوەی نرخی وزە لەسەر ئاستی جیهان.
