دوای ئەوەی ڕێژەیەکی زۆری هاندەرانی نەرویج بەهۆی ناشرینییەکەیەوە سکاڵایان لەسەر کرد، پەیکەرێکی لە دار هەڵکۆڵراوی ئێرلینگ هالاند دزرا و کەسیش نازانێت چی بەسەر هاتووە.
پەیکەرەکەی هالاند لەلایەن بازرگانێک بە ناوی تۆرێ سیڤێرتسن بە بڕی (10) هەزار پاوەند لە دارێکی دەگمەن دروستکراوە کە تەمەنی (100) ساڵ بووە، پەیکەرتاشی ناوداری نەرویج چیتێل بارانە ئەرکی هەڵکۆڵینی لەئەستۆ گرتووە.
هاندەرانی نەرویج لە شاری برین چەندین جار سکاڵایان کردووە کە پەیکەرەکە ناشرینە و هەرگیز لە یاریزانەکە ناچێت، داواشیان کردووە لاببرێت.
A 10ft statue of Erling Haaland has been stolen in his home town of Bryne, Norway after complaints it looked nothing like the #ManCity striker.
[via @SunSport] pic.twitter.com/2EkE1AFjam— City Xtra (@City_Xtra) August 26, 2022
پەیکەرەکە (10) مەتر بەرزە و لە بەرزی (50) مەتر لەسەر فرۆشگایەکی شاری برین دانراوە، کەسێکی نەناسراو بە (کرێن) لە نیوەشەودا لێیکردووەتەوە و کەس نازانێت چی بەسەر هاتووە.
سیڤێرتسن دەڵێت، “پەیکەرەکە گوزارشتە لە گەورەیی گەنجێکی شارەکەمان، با ڕاستگۆ بین، خۆی ئەوەندە جوان نییە و پەیکەرەکەشی بە هەمانشێوە، بەڵام بە هەر شێوەیەک بێت نموونەیەکی جوان بوو بۆ شارەکەمان، هیوادارم بیدۆزینەوە و لە جێگەی خۆی دایبنێینەوە.”
