ئەمڕۆ سێهەم رۆژی دابەشکردنی مووچەی مانگی 10یە بەپێی راگەیەندراوەکەی وەزارەتی دارایی هەرێمی کوردستان و چوار وەزارەت مووچەکانیان وەردەگرن.
بە گوێرەی لیستی مووچەی مانگی 10، ئەمڕۆ مووچەی وەزارەتەکانی کار و کاروباری کۆمەڵایەتی، کاروباری شەهیدان و ئەنفالکراوان، دارایی و ئابوری و تەندروستیی دابەشدەکرێت.
ئەمەش لە کاتێکدایە، سبەی مووچە دابەشناکرێت بەبۆنەی ئەوەی پشووە و رۆژی شەممە دەست بە دابەشکردنی مووچە دەکرێتەوە و ئەو وەزارەت و دەستانەی ماون مووچەی مانگی 10یان بۆ خەرجدەکرێت تاوەکو رۆژی دووشەممە.
بەپێی ئەو زانیارییانەی بە تۆڕی میدیایی ئێستا دراون، مووچەی مانگی 11 گرفتی نییە، بڕی 631 ملیار دینار نێردراوە و مناقلەش كراوە كە بڕەكەی 430 ملیار دینارە و چاوەڕواندەكرێت بەر لە سەری ساڵ دەست بە دابەشكردنی مووچەی مانگی 11ی مووچەخۆران بکرێت.
