هێزەكانی پۆلیس پیاوێك و چوار كوڕەكەیان دەستگیركرد كە پیشەیان دزینی “سەرەمەنهۆڵ” بووە.
سەرچاوەیەكی ئەمنی لە پارێزگای نەجەف ئەمڕۆ شەممە ڕایگەیاند، هێزەكانی پۆلیس ئەندامانی خێزانێكیان دەستگیركردووە كە لە باوكێك و هەر چوار كوڕەكەی پێكهاتوون، كاری بەردەوامیان دزینی “سەرەمەنهۆڵ” بووە.
بەپێی سەرچاوەكە، ئەو پێنج كەسە بەردەوام لە گەڕەكەكانی نەجەف و بە تایبەت گەڕەكی سەلام سەری مەنهۆڵی ئاوەڕۆكانیان لێكردووەتەوە و دزیویانن و ئاشكرایكرد، “هێزە ئەمنییەكان ماوەی چەند مانگێكە هەوڵی دۆزینەوە و دەستگیركردنیان دەدەن”.
