نێوانی نێیمار و مێسی لەگەڵ مباپی بەتەواوی چاكبۆتەوەو لە یارییەكەی لیل-یش زۆر بەڕونی هەرسێكیان دڵخۆش بینران.
یانەی پاریس سانجێرمان بە ئەنجامێكی گەورە و بە حەوت گۆڵ بەرامبەر بە گۆڵێك لە یانەی لیلی بردەوە.
لەو یارییەدا نێیمار و مێسی هاوكاری مباپییان كرد بۆ ئەوەی سێ گۆڵ تۆماربكات.
مباپی لەو یارییەدا زۆر دڵخۆش بوو بە پێچەوانەی یاریی ڕابردوو كە دەموچاوی غەمبار دیار بوو.
ڕاگەیاندنەكان جەخت لەوە دەكەنەوە كە مباپی نێوانی لەگەڵ مێسی و نێیمار چاكبۆتەوەو كێشەكانی خۆیان وەلا ناوە.
