پیاوێك و خەزووری لە هەولێر دەستڕێژی گولـلەیان لە یەكدی كرد و یەكێكیان بریندارە.
ڕووداوی تەقەكردنەكە لە بەردەم باڵەخانەی وەزارەتی كار و كاروباری كۆمەڵایەتیی حكومەتی هەرێمی كوردستان لەسەر شەقامی شۆڕش لە هەولێر بووە، دوو كەس كە زاوا و خەزووری یەكدین، بە چەك تەقەیان لە یەكتر كردووە.
دیار حوسێن پەیامنێری تۆڕی میدیایی ئێستا لە هەولێر ڕایگەیاند، یەكێك لە تەقەكەرەكان بە سووكی برینداربووە و دواتر هێزەكانی پۆلیسی هەولێر هەردوو كەسەكەیان دەستگیركردووە.
