فایزە لاماری، دایکی کیلیان مباپێ پێی وایە کێشەکانی نێوان کوڕەکەی و نێیماری بەڕازیلی لە ناوخۆی یانە چارەسەر دەکرێت.
فایزە لاماریی دایکی مباپێ دانی پێدا دەنێت، کە لە پاریس کێشەی ناوخۆیی بوونی هەیە و بە “کوورە پڵەس”ی ڕاگەیاندووە، “بابەتەکە لە ناوخۆی پاریس مامەڵەی لەگەڵدا دەکرێت، هەموو شتێک باشە.”
بەپێی زانیارییەکانی “لو پاریزیان”، یەکشەممەی ڕابردوو لویس کامپۆسی بەڕێوەبەری وەرزشیی پاریس لەگەڵ مباپێ و نێیمار کۆبوونەوەی ئەنجامداوە، داوای لێکردوون کێشەکانیان نەگەیەنن بە ئاستی ئاشکرابوون لەنێو یاریگا، دووپاتیشی کردووەتەوە، کە دەبێت پابەندبوونیان بە ڕێسا ناوخۆییەکانەوە هەبێت، کێشەکانی ئەم هەفتەیەشی لە ڕووبەڕووبوونەوەی مۆنتیپیلێ خستووەتە ئەستۆی مباپێ.
سەرچاوەکە جەخت لەوە دەکاتەوە، دابڕان لە نێوان مباپێ و نێیمار و مێسی ڕوویداوە، فەرەنسییەکە هەست دەکات پشتگوێخراوە و ڕەنگە لە داهاتوودا ئەم کێشانە لێکەوتەی قورستری هەبێت.
