یانەی بەرشلۆنە یەکەمین یاریی وەرزی نوێی ئەنجامدا و سەرچاوەکان جەخت لەوە دەکەنەوە، چاڤی هێرناندێز داوای زیاتری لە ئیدارەی یانە کەتەلۆنییەکە کردووە.
ڕۆژنامەی مارکا لە ڕاپۆرتێکدا ئاشکرای کردووە، چاڤی بەر لە یاریی دەستپێکی وەرز و دواتریش داوای یاریزانی زیاتری کردووە، بە گرنگی زانیوە هەوڵەکانیان بە ئاراستەی مارکۆس ئەلۆنسۆی بەرگریکاری یانەی چێڵسی خێراتر بکەن، کە ئەوەش کاریگەری لەسەر چارەسەرکردنی کێشە بەرگرییەکانی باڵی ڕاست دەبێت.
ڕاهێنەری یانە کەتەلۆنییەکە خواستی نیشانداوە لەسەر یەکلاییکردنەوەی پێگەی یاریزانە نوێیەکان بە تایبەت جول کوندی، کە نەتوانراوە لە لیستی یاریزاناندا ناونووس بکرێت، هەروەها داواشی کردووە داهاتووی یاریزانانی وەک ئومتیتی و برەیزوایت و دی یۆنگ بە زووترین کات یەکلایی بکرێتەوە.
