بانكی ڕافیدەین بڵاویكردووەتەوە، بۆ دروستكردنی خانوو قەرز بە فەرمانبەران و هاوڵاتییان دەدات و بڕەكەی 50 ملیۆن دینارە.
بەپێی ڕاگەیەندراوێكی نووسینگەی ڕاگەیاندنی بانكەكە تێیدا هاتووە، بڕی قەرزەكە 50 ملیۆن دینارە بۆ ماوەی 10 ساڵ لە سوودمەندبووان وەردەگیرێتەوە كە بە سوودی 5% دەدرێتە مووچەخۆران و هاوڵاتییان.
ئاماژە بەوەشكراوە، پارەكە بە یەك گوژمە دەدرێتە فەرمانبەران و هاوڵاتییان دەتوانن خانوو و یەكەی نیشتەجێبوون دروستبكەن.
لە ڕاگەیەندراوەكەدا هاتووە، قەرزەكە لە لقەكانی بانكەكانی ڕافیدەین لە پارێزگاكانی عێراق دابەشدەكرێن.
هەفتەی ڕابردووش بانكەكە بڵاویكردبووە، بەمەبەستی دروستكردنی یەكەی نیشتەجێبوون قەرزێك بە فەرمانبەران و هاوڵاتییان دەدرێت كە بڕەكەی 150ملیۆن دینار بووە.
