پوتین هەڕەشە لە ناتۆ و ئەمریكا دەكات

سەرۆكی ئەمریكا ڕایگەیاند، هێزە وشكانی، دەریایی و ئاسمانییەكانیان لە ئەوروپا زیاد دەكەن و پوتینیش هەڕەشە دەكات.

جۆ بایدن، سەرۆكی ئەمریكا دوای کۆبوونەوەی لەگەڵ یەنس ستۆڵتنبێرگ سکرتێری گشتیی پەیمانیی باکووری ئەتڵەسی (ناتۆ) لە وتەیەكدا بۆ ڕۆژنامەنووسان ڕایگەیاند، لە داھاتوویەکی نزیکدا ھێزە ئاسمانی، وشکانیی و دەریاییەکانیان لە ئەوروپا زیاد دەکەن.

باسی لەوەشكرد، زیادکردنەکە بەشێوەیەک دەبێت کەشتییە جەنگییەکانیان لە ئیسپانیا لە چوار کەشتییەوە دەکەنە شەش کەشتی و دوو بۆ سێ هەزار سەربازی شەڕکەریش بۆ ھێزەکانیان لە پۆڵەندا زیاد دەکەن و ھێزی ئاسمانیش لە ئەڵمانیا و ئیتاڵیا زیاد دەکەن.

لەبەرامبەریشدا، ڤلادیمێر پوتین، سەرۆكی ڕوسیا كاردانەوەی توندی لەو بڕیارەی ئەمریكا و ناتۆ نواند و دەڵێت، “واشنتۆن لە خەیاڵدا دەژی ئەگەر پێی وابێت بەو ھەنگاوە ڕوسیا دەترسێنێت و بە دڵنیاییەوە کاردانەوەی توندمان دەبێت و دەستەوەستان نابین”.

هەروەها بۆ بڕیارەكەی ناتۆش سەرۆكی ڕوسیا دەڵێت، “دەبینن چ کاردانەوەیەکمان دەبێت ئەگەر ناتۆ بە پیلانی ئەمریکا بیەوێت بنکەی سەربازی لە سوید یان فینلەندا دابنێت، بە هەمانشێوەی خۆیان وەڵامیان دەدەینەوە”.

بابەتی پێشتر

بەریتانیا ئامادەكاری بۆ ئەگەری پچڕانی كارەبا لە وەرزی زستاندا دەكات

بابەتی دواتر

ئاگر لە كامپی ئاوارەكانی باجد كەنداڵ لە زاخۆ كەوتەوە

بابەتی پەیوەندیدار
زیاتر ببینە

چین هۆشداری بە ئەمریكا دەدات

وەزیری دەرەوەی چین ڕایدەگەیەنێت، سەردانەكەی نانسی پیلۆسی سەرۆكی ئەنجومەنی نوێنەرانی ئەمریكا بۆ تایوان تەنها ئامانجی نانەوەی پشێوییە لە…
Total
0
Share