بەپێی ڕێککەوتنی نێوان ئیدارەی یانەی یوڤانتۆس و ماسیمیلیانۆ ئالێگری ڕاهێنەر، پێکهاتەی یانەکە بە چوار یاریزانی ئاگرین نوێ دەکرێتەوە.
ڕۆژنامەی “توتۆ سپۆرت”ی ئیتاڵی بڵاویکردووەتەوە، ئەندریا ئانێلی سەرۆکی بیانکۆنێری هەریەک لە پاڤێل نێدڤیدی جێگری و بۆردی کارگێڕی دەستکراوە کردووە بۆ کڕینی چوار یاریزان کە پێکهاتوون لە، پۆڵ پۆگبا (مان یونایتد)، خالیدۆ کۆلیبالی (ناپۆلی)، ئیمێرسۆن پاڵمێری (چێڵسی)، ئەنخێل دی ماریا (پاریس سان جێرمان).
ئەگەر پلانەکە سەرکەوتوو بێت، وەرزی داهاتوو ئالێگری بە پێکهاتەیەکی ئاگرینەوە بەشداری خولە ناوخۆیی و ئەوروپییەکان دەکات و دەبن بە یەکێک لە بەهێزترینەکان.
لە ئەگەری بردنەوەی گرێبەستەکاندا، پێکهاتەی یوڤی وەرزی داهاتوو بەم جۆرە دەبێت:
گۆڵپارێز: چێزنی
بەرگری: دانێلۆ، دی لێخت، کۆلیبالی، ئیمێرسۆن
ناوەند: لۆکاتێلی، پۆگبا، ڕابیۆ
هێرشبەر: دی ماریا، ڤلاهۆڤیچ، فیدریکۆ کیێزا
