یانەی بەرشلۆنە بۆندی لەگەڵ سێرجیۆ ئەگوێرۆ و ئیریک گارسیا واژووکرد و سەرۆکی یانەکە بەڵێن دەدات بۆندی دیکەش واژووبکات.
لە نێوان دوێنێ و ئەمڕۆدا، سەرۆکی نوێی یانەی بەرشلۆنە، خوان لاپۆرتا سەرکەوتوبوو لە گواستنەوەی دوو یاریزان بۆ پێگەکانی هێرشبەر و بەرگری، یەکەمیان سێرجیۆ ئەگوێرۆی ئەرجەنتینی و دووەمیان ئیریک گارسیای ئیسپانی بوون.
لەو بارەیەوە بە میدیاکانی ڕاگەیاندووە، ” ئەوەی ڕوودەدات هەنگاوێکە بەرەو داهاتوو، هێشتا پڕۆسەی دیکە ماوە دەبێت بە ئەنجامی بگەیەنین”.
هەروەها لەبارەی ڕۆناڵد کومانەوە دەڵێت، “ڕێزی دوو وەرزی بۆندەکەی دەگرین، بەڵام کۆبوونەوە دەکەین و تاوتوێی ئەنجام و ئاستی وەرزی ڕابردوو دەکەین، لێکدانەوەمان دەبێت، باش و خراپ جیادەکەینەوە، لە ماوەی 10 ڕۆژدا بڕیاری یەکلاکەرەوە دەدەین”.
بەپێی زانیارییەکانی ڕۆژنامەی موندۆ دیپۆرتیڤۆ، لە داهاتوویەکی نزیکدا ئیدارەی نوێی لاپۆرتا بۆندەکانی جۆرجینیۆ ڤایناڵدوم و مێمفس دیپای هۆڵەندی ئاشکرادەکات.
