كارلۆ ئەنچیلۆتی ڕاهێنەری ڕیاڵ مەدرید ئامادەیی تیپەكەی بۆ ڕووبەڕووبونەوەی ئیشبیلیە پیشانداو جەختی كردەوە كە ئەوان ڕكابەری لەسەر هەموو ناسناوەكان دەكەن.
وتیشی: ” ئیشبیلیە تیپێكی بەهێزە و یەكێكە لەو یانانەی ڕكابەری لەسەر ناسناوی خولی ئیسپانیا دەكەن.”
پوختەی قسەكانی ئەنچیلۆتی
– تیپەكە سەلامەتە، كاتمان هەبوو بۆ چارەسەربوون و ئامادەكاری بۆ ئیشبیلیە، یارییەكە قورس دەبێت، بەڵام لە ڕووی جەستەیی و دەروونییەوە ئامادەین.
– سێ شەممە یاریمان كردووە و سبەینێش یارییەكی تر دەكەین، تیپەكە لە ڕووی جەستەییەوە باشە، دەمانەوێت چالاكیمان زۆر بێت لە یارییەكەی ئیشبیلیە.
– لۆكا مۆدریچ لە ڕیاڵ مەدرید واز لە یاریكردن دەهێنێت، نازانم كەی بەڵام بیرۆكەی مۆدریچ وایە.
– هازارد سەلامەتە و ئێستا لە قۆناغی كۆتایی چارەسەری پێكانەكەیدایە.
– هیچ وەڵامێكم نییە بۆ لێدوانەكانی كاسانۆ لەسەر ڕیاڵ مەدرید
– توڕە نەبوم بە كاردانەوەی كروس پاش دانیشاندنی، ئەو لە ئاستێكی باڵای پیشەگەریدایە.
– مێندی و مارسیلۆ لە دەرەوەی یارییەكەی ئیشبیلیە دەبن
– گرنگ نییە لەدەرەوە چیم پێدەڵێن، هەموو كەسێك دەتوانێت قسەی خۆی بكات، ئێمە ڕكابەری لەسەر بەدەستهێنانی ناسناوەكان دەكەین.
– خولی ئیسپانیا هێشتا چانسی ئەوەی تیا ماوە چەند تیپێك ڕكابەری تێدا بكات، ئەوەی گرنگە بەردەوام بوونە لە بەدەستهێنانی خاڵ، ئیشبیلیە یەكێكە لەوانەی ڕكابەری دەكات و دەزانین یارییەكەشمان قورسە، بۆیە ئێمەش ئامادەین.
