دانیشتووانی گوندی ڕەشکین لە پارێزگای هەولێر بەهۆی دەرکردنیان لە گوندەکەیان سکاڵای یاسایی دژی پارێزگاری هەولێر تۆماردەکەن.
دانیشتووانی گوندی ڕەشکین سەرەڕای پارێزگاری هەولێر سکاڵایان لەسەر هەریەکە لە وەزارەتی شارەوانی و گەشتوگوزار و قائیمقامی شارەکە تۆمارکردووە.
لە ڕاگەیەندراوی دانیشتووانی گوندەکەدا هاتووە، ئەمڕۆ کاتژمێر 10:30 دانیشتنی دادگا دەبێت لەبارەی سکاڵاکەیان.
پێشتر دانیشتووانی گوندەکە ڕایانگەیاند، کە لەلایەن پارێزگارەوە ئاگادارکراونەوەتەوە دەبێت گوندەکەیان چۆڵبکەن، دانیشتووانی گوندەکە ڕەتیدەکەنەوە گوندەکە چۆڵبکەن و لەماوەی ڕابردوودا گردبوونەوەی ناڕەزاییان لەبارەی بڕیارەکەی پارێزگارەوە ئەنجامدا.
دانیشتووانی گوندەکە دەڵێن، “تاپۆمان هەیە و گوندەکەمان چۆڵناکەین، داوای قەرەبووش ناکەین ئێرە شوێنی خۆمانە بۆ کوێ بڕۆین؟”.
دانیشووانی گوندەکە ئاگادارکراونەتەوە لەماوەی مانگێکدا چۆڵیبکەن، لەکاتێکدا گوندەکە 134 ماڵی تێدایە، بەپێی وتەی نوێنەری دانیشتووانی گوندی ڕەشکین، نوسینگەیەکی کڕین و فرۆشتنی خانوو لە هەولێر ئاگاداریی بڵاوکردووەتەوە کە یەکەی نیشتەجێبوونیان هەیە لە ڕەشکین بۆ فرۆشتن.
