جێگری سەرۆکی ئەنجومەنی نوێنەرانی عێراق رایگەیاند، “بۆ ساڵی رابردوو بەغداد تەنها مووچەی 10 مانگی بۆ هەرێم ناردووە”.
شاخەوان عەبدوڵا، جێگری سەرۆکی ئەنجومەنی نوێنەرانی عێراق بە رۆژنامەنووسانی راگەیاند، “بەغداد بۆ ساڵی 2024، تەنها 10 تریلیۆن دیناری ناردووە کە دەکاتە مووچەی 10 مانگی فەرمانبەر و مووچەخۆرانی هەرێم، لەکاتێکدا لە عێراق مووچەی هەر 12 مانگەکە دابەشکراوە”.
وتیشی، بڕی پارەی مووچەخۆرانی هەرێم لە ساڵێکدا 12 تریلیۆنە، بۆ ئەو بابەتە لەگەڵ فراکسیۆنە کوردییەکانی ئەنجومەنی نوێنەران هەڵوێستمان یەکدەخەین”.
