لیۆنێل مێسی پەیوەندی بە مەشق و ڕاهێنانەكانی هەڵبژاردەی ئەرجەنتینەوە كردووە و لەوێ وەڵامی چەند پرسیارێكی تەلەفزیۆنی تی وای سی دایەوە.
مێسی پێیوایە ڕیاڵ مەدرید شایستەی ناسناوی چامپیۆنز لیگ نەبووە بەڵام بنزیمە تاكە یاریزانی پاڵێوراوە بۆ تۆپی ئاڵتون.
بەشێك لە قسەكانێ مێسی
– لەبەرشلۆنە هەموو شتێكم هەبوو نیازی گۆڕانكاریم نەبوو كاتێك ناچار بوو بڕۆم دۆخەكە زۆر قورس بوو لەسەرم.
– ڕیاڵ مەدرید شایستەی نازناوی چامپیۆنزلیگ نەبوو یانەی لەو باشتر هەیە.
– دوای كۆمەڵێك شكستی یاریی كۆتایی دواجار بوینە پاڵەوان، هەستێكی زۆر خۆش بوو
– لەیەكەم ڕۆژم لە پاریس هەمومان دەگریاین، منداڵەكان هەموو شتێكیان لێتێكچوو هەرگیز ئەو دۆخەمان نەبینیبوو
– كەش و هەوا ڕێگاوبان دۆخی ژیانمان هەموو شتێكمان تێكچوو
– بنزیمە شایستەی تۆپی ئاڵتونییە
– كۆرۆنا كاریگەری زۆری لەسەر دروستكردم، مانگێك نەمدەتوانی تەنانەت بە ڕێگەیا بڕۆم
– سەرەرای ئەوەی ڕیاڵ مەدرید باشترین یانەی ئەوروپا نەبوو بەڵام زۆربەی پاڵەوانەكانی كردە دەرەوە
– هەرگیز دۆخی وام بەسەر نەهاتوە كە فیكەم بۆ لێبدرێت دۆخەكە زۆر جیاواز بوو
– لەڕابردودا ڕاگەیاندنەكانی ئەرجەنتین زۆر توند بوون ئێستا زۆر پشتمان دەگرن و گۆڕاون
– بردنەوەی یەكەم یاریی مۆندیال زۆر گرنگە چونكە كلیلی سەركەوتنە
– یارییەكی ئیتاڵیا یارییەكی فەرمییە و جامێكی ترە دەمانەوێت بیبەینەوە
– ئەوەی لەبەردەممە مۆندیالی ٢٠٢٢ە نازانم دوای ئەوە چی ڕودەدات
– یارییەكی ئیتاڵیا تاقیكردنەوەیەكی گرنگە بۆ ئێمە
– من بە درێژایی ژیانم بە یەك شێوە یاریمكردوە بەڵام دەبوو لە پاریس واز لە هەموو شتیك بهێنم و یاریكردنم بگۆڕم
– دڵنیام وەرزی داهاتوو بۆ من جیاواز دەبێت
