ئەستێرەی نێودەوڵەتی بەڕازیل و یانەی بەرشلۆنە، دانی ئالڤێس لە تۆڕە کۆمەڵایەتییەکانەوە ڕەتی دەکاتەوە بردنەوەی ڕیاڵ مەدرید لە مانچستەر سیتی بە چانس وەسف بکات.
دوای بردنەوەی ڕیاڵ مەدرید (3-1) لە مانچستەر سیتی، ئالڤێس لە تۆڕی کۆمەڵایەتی ئینستاگرام پۆستێکی کردووە، تێیدا نووسیویەتی، “هاوڕێیانم لە بواری تۆپی پێ، هاوشێوەی ژیان، هیچ شتێک لە تۆپی پێدا بەناوی چانس بوونی نییە، یان ئەوەتا بەسەر یارییەکەدا باڵادەست دەبیت، یان ئەو بەسەر تۆدا باڵادەست دەبێت.”
هەروەها نووسیویەتی، “بیرتان لەوە کردووەتەوە، یاریی تۆپی پێ بەبێ یاریزانە بەڕازیلییەکان چۆن دەبێت؟!”.
View this post on Instagram
پەیامی بەرگریکارە سەرکێشەکەی بەرشلۆنە چەند کاتژمێرێک دوای گەیشتنی ڕیاڵ مەدرید بە یاریی کۆتایی چامپیۆنزلیگ بۆ وەرزی 2021/2022 بڵاو کرایەوە، تێیدا ڕۆدریگۆی بەڕازیلی ڕۆڵی فریادڕەسی بۆ ڕیاڵ مەدرید گێڕا و بە تۆمارکردنی دوو گۆڵ ئەنجامەکەی هاوتا کردەوە.
