بەپێی ئامارێكی تەندروستیی سلێمانی لەماوەی 24 كاتژمێردا 912 هاوڵاتی سەردانی نەخۆشخانەكانیان كردووە و لەو ژمارەیە 278یان داخڵكراون.
بەڕێوەبەرایەتیی گشتیی تەندروستیی سلێمانی ڕایگەیاند، لەماوەی 24 كاتژمێری ڕابردوودا 912 كەس سەردانی نەخۆشخانەكانی (شار، د. جەمال ئەحمەد ڕەشیدی مناڵانی فێرکاری، منداڵبوون، هیوا، پسپۆڕییەکانی دڵ، شەهید د. هێمن کۆرۆنا، ئیمێرجینسی سوتاوی و گورچیلەی دەستکرد)یان کردووە.
لەو ژمارەیە 278 كەسیان داخڵكراون و لە نەخۆشخانەكاندا هێڵدراونەتەوە، وەك ئەوەی لە ئامارەكەدا هاتووە.
هەر لەو ماوەیەدا حەوت حاڵەتی نەشتەرگەریی گشتی لە نەخۆشخانەی شار، پێنج نەشتەرگەری قەستەرە و باڵۆن لە نەخۆشخانەی پسپۆڕییەکانی دڵ و شەش نەشتەرگەری منداڵبوون كراون.
تەندروستیی سلێمانی ڕوونیشیدەكاتەوە، 16 حاڵەتی منداڵبوون، حەوت گیانلەدەستدان و 76 حاڵەتی شتنی گورچیلەی دەستکرد تۆمارکراون.
